Өнөө маргаашдаа ихэнх нутгаар цаг агаар тогтуун, хүйтний эрч чанга хэвээр байна. Маргааш буюу энэ сарын 16-нд Хангай, Хөвсгөл, Хэнтийн уулсаар, энэ сарын 17-нд Увс нуурын хотгор, Монгол-Алтай, Хангай, Хөвсгөлийн уулсаар цас орно. Ирэх долоо хоногийн Лхагва гараг буюу эн сарын 18-нд нутгийн зарим газраар, энэ сарын 19-нд Хангай, Хөвсгөл, Хэнтийн уулархаг нутаг, Дарьгангын тал нутгаар цас орж, зөөлөн цасан шуурга шуурна.
Салхи энэ сарын 17-нд Алтайн уулархаг нутаг болон Арц Богдын өвөр хоолойгоор, энэ сарын 18-нд нутгийн зарим газраар, энэ сарын 19-нд говь, талын нутгаар секундэд 12-14 метр хүрч ширүүснэ.
Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө -42...-47 градус, өдөртөө -30...-35 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Туул, Тэрэлж голын хөндийгөөр шөнөдөө -34...-39 градус, өдөртөө -22...-27 градус, говийн бүс нутгийн өмнөд хэсэг болон цас багатай газраар шөнөдөө -19...-24 градус, өдөртөө -9...-14 градус, бусад нутгаар шөнөдөө -27...-32 градус, өдөртөө -16...-21 градус хүйтэн байна гэж Цаг уур орчны хүрээлэнгээс мэдээллээ.
