Цаг уур, орчны шинжилгээний газраас амралтын өдрүүдийн цаг агаарын урьдчилсан төлөвийг танилцууллаа.
Амралтын өдрүүдэд ихэнх нутгаар цаг агаар тогтуун, хүйтний эрч чанга хэвээр байна.
Маргаашийн 20:00 цаг хүртэлх цаг агаарын төлөв:
Хур тунадас: Нутгийн хойд хэсгээр үүлшиж, бусад нутгаар багавтар үүлтэй. Нийт нутгаар цас орохгүй.
Салхи: Ихэнх нутгаар баруун хойноос секундэд 4-9 метрт хүрнэ.
Агаарын температур: Шөнөдөө Увс нуур болон Дархадын хотгор, Завхан голын эх, Идэр, Тэс голын хөндийгөөр -44-49 градуст хүрч хүйтрэх бол Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Байдраг, Эг-Үүр, Орхон, Хараа, Ерөө, Туул, Тэрэлж, Хэрлэн, Халх голын хөндийгөөр -36-41 градус хүйтэн.
Говийн бүс нутгийн өмнөд хэсгээр -21-26 градус, говийн бүс нутгийн хойд хэсгээр -27-32 градус байх бол бусад нутгаар -30-35 градус хүйтэн байх нь.
Өдөртөө Увс нуур болон Дархадын хотгор, Завхан голын эх, Тэс голын хөндийгөөр -32-37 градус, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг-Үүр, Хараа, Ерөө, Туул, Тэрэлж, Хэрлэн голын хөндийгөөр -22-27 градус, говийн бүс нутгийн өмнөд хэсгээр -13-18 градус, бусад нутгаар -19-24 градус хүйтэрнэ.
УЛААНБААТАР ХОТ ОРЧМООР: Багавтар үүлтэй, цас орохгүй. Салхи баруун хойноос секундэд 2-7 метрт хүрнэ. Шөнөдөө Яармаг-Сонгинын орчмоор -38-40 градус, бусад хэсгээр -30-32 градус, өдөртөө -20-22 градус хүйтэн байна.
БАГАНУУР ОРЧМООР: Багавтар үүлтэй, цас орохгүй. Салхи баруун хойноос секундэд 3-8 метр. Шөнөдөө -38-40 градус байх бол өдөртөө -24-26 градус байна.
ТЭРЭЛЖ ОРЧМООР: Багавтар үүлтэй, цас орохгүй. Салхи баруун хойноос секундэд 3-8 метр. Шөнөдөө -37-39 градус, өдөртөө -23-25 градус хүйтрэх төлөвтэй байна.
Эх сурвалж: Цаг Уур, Орчны Шинжилгээний Газар
