“Нүүрсний 44 их наяд, эрх баригчдын авлигыг ил болгох болон хулгайчдын нэрсийг ил болгох"-ийг шаардсан иргэдийн жагсаал хоёрдох өдрөө Сүхбаатарын талбай дээр үргэлжилж байна.
Энэ үеэр Ерөнхий сайд Л.Оюун-Эрдэнийг гарч ирэхийг шаардсаар байгаа юм. Тэгвэл иргэдийн шаардлагыг Ерөнхий сайдын ахлах зөвлөх А.Ариунзаяа гардан авлаа.
Тэрбээр, “ЗГХЭГ-ын дарга Д.Амарбаясгалан удахгүй төв талбай дээр гарч ирж жагсагчидтай уулзана. Та бүхэн тайван баймаар байна. Зохион байгуулалттай байгаарай” гэлээ.
