Герман улсын Брауйншвейг хотод зохион байгуулагдсан Формейшны Стандарт, Латин бүжгийн Дэлхийн аварга шалгаруулах тэмцээнд манай улсын “Moon dance" хамтлаг аваргын дэд байр эзэлж анх удаа ДАШТ-нээс мөнгөн медаль хүртсэн билээ.
Тэгвэл өнөөдөр /2022.10.31/ Биеийн Тамир, Спортын Улсын Хорооны хүндэтгэлийн танхимд тус баг тамирчдыг хүлээн авч, батламж, шагнал гардуулах ёслол боллоо. Тодруулбал, Биеийн тамир, спортын тэргүүний ажилтан цол тэмдгээр О.Оюунбат, Жуух тэмдгээр Н.Мөнхбаяр нарыг шагнасныг Биеийн тамир, спортын улсын хорооны дарга Д.Жаргалсайхан гардууллаа. Монголын бүжгийн спортын “Moon dance” хамтлаг ДАШТ-д нийт найман удаа оролцсон бөгөөд энэ удаад мөнгөн медаль хүртсэн нь оргил амжилт юм.
