Голын усанд суусан хоёр зорчигчтой суудлын автомашиныг татан гаргажээ.
Тодруулбал, Өвөрхангай аймгийн Хужирт сумын Бэрх багийн Бэрхийн-Ам гэдэг газар Орхон голын усанд суудлын автомашин суусан тухай дуудлага өчигдөр өдрийн 17:56 цагт тус аймгийн Онцгой байдлын газарт иржээ. Дуудлагын дагуу тус аймгийн Онцгой байдлын газрын Хужирт сум дахь Эрэн хайх, аврах салбарын алба хаагчид ажиллаж Улаанбаатар хотоос Өвөрхангай аймгийн Бат-Өлзий сумын чиглэлд хоёр зорчигчтой зорчиж явсан иргэн П-ийн “Раб-4” загварын суудлын автомашин усанд суусан байсныг 19:30 цагт татан гаргасан байна.
