Өчигдөр /2022.10.20/ орой Баянгол дүүргийн нутаг дэвсгэр, Модны 2-ын орчимд байрлах "World Mongolia" барилгад гарсан галыг унтраасан талаар ОБЕГ-аас мэдээллээ.
Тодруулбал, Нийслэлийн Онцгой Байдлын Ерөнхий Газарт Баянгол дүүргийн 17 дугаар хороо, Модны 2-ын 50 дугаар байр “Ворлд Монголиа Тауэр” 16 давхар барилгын дээвэр дээр гал гарч байна гэсэн дуудлага аравдугаар сарын 20-ны өдрийн 22:45 ирсэн байна.
Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Хан-Уул дүүргийн Онцгой байдлын хэлтсийн Гал түймэр унтраах аврах 14 дүгээр ангийн алба хаагчдыг очиход 16 давхар үйлчилгээний зориулалттай барилгын цахилгаан шатны техникийн өрөө, дээврийн хэсэг /террас/ тус тус шатаж байсныг шуурхай ажиллан утраажээ.
