“Худалдаа үйлдвэрлэлийн их сургууль”, “Дорнод их сургууль”, “Ховд их сургууль”, “Төрийн өмчит Улаанбаатар их сургууль”-тай нэгтгэх шийдвэр гаргасныг эсэргүүцэж МУИС-ийн оюутнууд БШУ-ы сайд Л.Энх-Амгаланд шаардлага хүргүүлэхээр БШУЯ-ны гадна жагсаж байна.
Оюутнууд өөрсдийгөө хохирогчид хэмээн үзэж нийт гурван асуудал бүхий шаардлагыг БШУ-ы сайд Л.Энх-Амгалан өөрийн биеэр ирж автал хүлээнэ гэдгээ илэрхийлээд байна. Шаардлагад,
- ЭЕШ-ын өндөр оноотой хүүхдүүд МУИС-д ордог тул 480 онооны босго давсан хүүхдүүдтэй нэгдэхгүй. Энэ нь МУИС-ийн нэр хүнд болоод оюутнуудын рейтингийг унагана.
- 2016 онд Монгол Улсын Засгийн газраас МУИС-ийг Азийн шилдэг 100 сургуулийн нэг болгох стратегийн төлөвлөгөө гарсан. Боловсролын яам үүнийхээ үр дүнг тайлагна, бодлогоо танилцуул.
- МУИС түр орлон гүйцэтгэгч захирлуудтай урт хугацаанд явж байгаа нь урт хугацааны бодлогогүй байх үндэс болж байна гэжээ.
ВИДЕО:
Эх сурвалжийн видео Mass.mn