PUBG Mobile-ын мэргэжлийн лигийн Өмнөд Азийн Аварга шалгаруулах "PUBG Mobile Pro League - South Asia Fall Championship 2022" тэмцээнд Монголын "Godlike Stalwart" баг түрүүллээ.
Тэмцээнд Монгол, Балба, Бангладеш, Пакистаны лигүүдээс шалгарсан шилдэг нийт 16 баг өрсөлдсөн юм. Тэмцээний эхний гурван байрыг эзэлсэн багууд энэ жилийн PUBG Mobile-ын дэлхийн аваргад оролцох эрхээ авах байсан бөгөөд Монголын IHC Esports, Godlike Stalwart болон Пакистаны AGONxi8 Esports багууд аль хэдийн эрхээ авсан байсан тул оронд нь Балбын DRS Gaming, Skylightz Gaming, Trained to Kill багууд дэлхийн аваргад орохоор болжээ.
Тэмцээний шилдэг тоглогчоор Godlike Stalwart багийн TOP шалгарч 2000 мянган ам.долларын эзэн болсон бол тэргүүн байрын баг 40 мянган ам.долларын шагнал авжээ.
