Бахрейны Манама хотноо болж буй хүндийг өргөлтийн Ази тивийн аварга шалгаруулах тэмцээнд Монгол Улсын гавьяат тамирчин Мөнхжанцангийн Анхцэцэг өчигдөр /2022.10.14/ -87 кг жинд хүчээ сорин алтан медалийн эзэн болж, Ази тивийн хошой аваргаар тодорлоо.
Тивийн аварга шалгаруулах тэмцээнд "Манама-2022"-д гавьяат дасгалжуулагч Ц.Хосбаярын удирдлага дор манай 4 эмэгтэй туйванч хүчээ сорьсноос 59 кг-д Э.Энхтамир огцомоор мөнгө, 71 кг-д Г.Ануужин огцомд хүрэл, нийлбэрээр хүрэл, 76 кг-д О.Дархижав огцомд мөнгөн медаль хүртээд байсан юм.
Ийнхүү манай улсын дөрвөн тамирчин бүгд медальтай /гурван алт, хоёр мөнгө, хоёр хүрэл/ Азийн аваргыг өндөрлүүлж, Алтан соёмбот далбаагаа мандуулж, Төрийн дууллаа Бахрейнд эгшиглүүллээ. Мөн ирэх арван хоёрдугаар сард Колумби улсад Дэлхийн аварга шалгаруулах тэмцээн болох юм.