Их Британийн түүхэнд хамгийн удаан төр барьсан хаан болох Хатан хаан II Элизабет өнгөрсөн Пүрэв гараг /2022.09.09/-т Шотландын Балморал шилтгээндээ 96 насандаа таалал төгссөн билээ. Түүнийг оршуулах төрийн ёслол есдүгээр сарын 19-ний өдөр Лондон хотын Уэстминстер Аббэйд болох тов гарсан.
Тэгвэл оршуулах ёслолд оролцох орнуудын тоонд Монгол Улс багтаж, урилга хүлээн авч уг ёслолд төрийн өндөр түвшинд оролцохоор болжээ. Мөн улс орнуудын тэргүүнүүдээс Японы эзэн хаан Нарухито, АНУ-ын ерөнхийлөгч Жо Байден, Францын ерөнхийлөгч Эммануэл Макрон, Европын Холбооны гүйцэтгэх засаглалын тэргүүн Урсула фон дер Ляйен оролцох юм байна.
