Үндсэн хуулийн цэцийн 2022 оны 02 дугаар тогтоолтой холбоотойгоор Үндсэн хуульд нэмэлт, өөрчлөлт оруулах тухай хуулийн төслийг Н.Энхболд нарын 62 гишүүн УИХ-ын дарга Г.Занданшатарт өргөн барилаа.
Хуулийн төсөлд, “Үндсэн хуулийн Гучин есдүгээр зүйлийн 1 дэх хэсгийн “… Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно.” гэснийг хүчингүй болгохоор тусгасан байна” гэжээ. Ингэснээр “Давхар дээл"-тэй холбоотой цэцийн дүгнэлтийг үндэслэн Үндсэн хуулийн дээрх заалтыг хүчингүй болгож, өөрчлөлт оруулах хуулийн төслийг өргөн барьсан байна. Хуулийн төслийг Төрийн байгуулалтын байнгын хороогоор хэлэлцсэний дараа өнөөдөр /2022.08.25/ 15:00 цагт УИХ-ын чуулган хуралдаж, Үндсэн хуулийн өөрчлөлтийг хэлэлцэх ажээ.
