Ээлжит бус чуулганыг маргааш /2022.08.22/ хуралдуулах УИХ-ын дарга Г.Занданшатарын захирамж гараад байна. Иймд ээлжит бус чуулган зарлагдсантай холбогдуулж Улаанбаатар хотод байгаа УИХ дахь АН-ын бүлгийн гишүүд өнгөрөгч баасан гараг /2022.08.19/-т Д.Ганбатын өрөөнд цуглаж санал солилцжээ.
Энэ үеэр “Засгийн газарт орж ажиллаач” гэсэн саналыг эрх баригчдын зүгээс АН-ын бүлгийн зарим гишүүдэд тавьсан талаар ярилцсан байна.
Ингээд “Засгийн газрыг хамтарч байгуулъя гэсэн албан ёсны санал” УИХ дахь АН-ын бүлэгт МАН-аас ирсний дараа байр сууриа илэрхийлье гэж тэд тохирчээ. Сонирхуулахад, эрх баригчдын зүгээс АН-д хоёр, ХҮН намд нэг сайдын албан тушаал санал болгож зарим гишүүдтэй ярилцаж байгаа гэх мэдээлэл байгаа юм.
