Засгийн газрын ээлжит хуралдаан өнөөдөр болж, хуралдаанаас гарсан шийдвэрийг танилцуулж байна.
Ерөнхий сайдын Хэвлэлийн төлөөлөгч Ч.Болортуяа "Улсад онц их хэмжээний хохирол учруулсан, алдагдсан боломжийн өртөг үүсгэсэн хүмүүсийг шалгаж, учирсан хохирлыг нэхэмжлэх ажлын хэсэг байгуулсан. Ажлын хэсгийг Хууль зүй, дотоод хэргийн сайд Х.Нямбаатар ахална.
Мөн Монгол Улсад үүссэн өр, бондын зарцуулалтуудыг бүхэлд нь шалгах ажлын хэсгийг байгууллаа. Ажлын хэсгийг даргаар Сангийн сайд Б.Жавхлан ахална. Түүнчлэн цахим садар самуунтай холбоотой үйлдэгдэж буй гэмт хэргийг шалгаж, таслан зогсоох ажлын хэсгийг байгуулсан. Эл ажлыг хэсгийн мөн Х.Нямбаатар сайд ахална" гэлээ.
