Өнөөдөр /2022.07.27/ АН-ын Ерөнхий нарийн бичгийн дарга Ч.Өнөрбаяр тэргүүтэй тус намын удирдлагууд цаг үеийн асуудлаар мэдээлэл хийсэн.
Энэ үеэр Ч.Өнөрбаяр, “Оросуудын өмнө МАН-ынхан дандаа гөлөг болдог. 70 жил ингэж явж ирсэн. Оросын нэг дарга ирэхээр гөлөг болж, Монголын байр суурийг илэрхийлж чаддаггүй. МАН-ын энэ байдал хэзээ ч засагдахгүй юм байна. МАН-ыг барууныхан тоож хардаггүй. Яагаад гэвэл тэднийг коминистууд гэж хардаг. Тэд хүний хувийн өмчийг хураадаг, ардчиллыг үзэн яддаг, иргэдийнхээ шүүмжийг сонсож чаддаггүй тул барууны орнууд МАН-ыг хүлээж авдаггүй. Зөвхөн Оросын дагаад Монгол Улс хөгжинө гэж байхгүй. Тэгж хөгждөг бол Оросыг дагасан Кригистан, Беларус зэргийг хар, тэдний хөгжсөн нь хаана байна. Хилийн дээс алхаад Улаан-Үүдийг хар, буриадууд яаж амьдарч байгааг МАН-ынхан олж хар” гэсэн юм.
Зөвхөн Оросыг дагаж Монгол улс хөгжинө гэж байхгүй за юу. Дагаж байгаа улсуудыг нь харчих. Эрх баригчид аа та нар Оросуудыг харахаараа гөлөг болдог хэвээрээ байна. 70 жил тийм байсан. Барууныхан та нарыг тоохгүй. Коммунистууд гэж хардаг юм чинь. Улс сөхөрлөө. Та нар одоо боль. pic.twitter.com/mF8KDHpmVZ
— Ч.Өнөрбаяр (PhD) (@ch_unurbayar) July 27, 2022
