Өнгөрөгч оны аравдугаар сард Японы гүнж Мако энгийн иргэнтэй хуримаа хийн, албан ёсоор хааны удмын цол хэргэмээ хүлээлгэж өгөн АНУ-руу нөхрийн хамт нүүн амьдарсан юм.
Тэгвэл гүнж асан АНУ-ын Нью-Йорк мужийн Метрополитен урлагийн музейн сайн дурын ажилтан болжээ. Тодруулбал, Мако тус музейн Азийн урлагийн цуглуулгад ажиллах бөгөөд ямар ч цалин хөлс авахгүй аж. Түүний хувьд 2016 онд Лестерийн их сургуульд Урлагийн музей, галерей судлалын чиглэлээр магистрын зэрэг, Шотландын Эдинбургийн их сургуульд урлагийн түүхийн чиглэлээр тус тус суралцаж байсан юм.
