Польш, Литва, Латви, Эстони улсын ерөнхийлөгч нар Украины Ерөнхийлөгч В.Зеленскийтэй уулзахаар Украины нийслэл Киевт очсон гэж Польшийн тал мэдэгдлээ. Энэ талаар Польшийн ерөнхийлөгч А.Дудагийн зөвлөх Я.Кумоч "Манай улсууд Украин болон Ерөнхийлөгч В.Зеленскийд дэмжлэг үзүүлж байна" гэж мэдэгджээ. Тэдний айлчлал Их Британийн Ерөнхий сайд Б.Жонсон бямба гараг /2022.04.09/-т тус хотод айлчилснаас хэд хоногийн дараа ийнхүү болж байна.
Эх сурвалж: BBC
