Сүхбаатарын талбайд өчигдөр болсон "Монголдоо сайхан амьдаръя" жагсаал үүрийн 4-5 цагийн үед хүчний байгууллагаас албадан тарааж, зарим иргэдийг баривчилсан юм. Тэгвэл Эрүүгийн цагдаагийн албанаас өчигдрийн жагсаалын үеийн нөхцөл байдлын талаар мэдээлэл хийж байна.

Үүнд, “Өчигдөр гарсан жагсаалын үеэр Хууль зүй дотоод хэргийн сайд Х.Нямбаатар залуучуудтай уулзах үеэр түүн рүү ундааны сав, талх зэрэг шидэж эсэргүүцэл үзүүлсэн. Энэ үеэр нэг эмэгтэйн тархи хагарсан. Харин орой 19 цагийн үеэс жагсаалын бүтэц өөрчлөгдөж эхэлсэн. Цагдаагийн байгууллагын алба хаагчийн тавьсан шаардлагыг эсэргүүцэх зэрэг үйлдэл гаргасан мөн согтууруулах ундааны зүйл хэрэглэсэн залуус олноор цугларч байсан. Иймд энэ мэт турхирсан үйлдлийг зогсоох, гарах эрсдэлээс сэргийлж арга хэмжээгээ авч ажилласан. Цагдаагийн долоон алба хаагч бэртэж гэмтсэн. Харин саатуулагдсан иргэдийн хувьд тэднээс тайлбар аваад явуулна” гэв.

Сүхбаатарын талбайд болсон "Өөрсдөө хэмнэ" жагсаалыг өнөөдөр /2022.04.08/ 4.00-5.00 цагийн үед хүчний байгууллагаас албадан тарааж, зарим иргэдийг баривчилсан юм. Тэгвэл Эрүүгийн цагдаагийн албанаас өчигдрийн жагсаалын үеийн нөхцөл байдлын талаар мэдээлэл хийж байна.

Цагдаагийн Ерөнхий газрын Хэвлэл мэдээллийн төвийн дарга, дэд хурандаа Б.Баатархүү "Төв талбай дээр болсон залуусын жагсаал 18.00 цаг хүртэл хэвийн үргэлжилж байсан. Харин үүнээс хойш буюу Хууль зүй дотоод хэргийн сайд Х.Нямбаатар жагсагчидтай уулзах үеэр нэг иргэний толгой гарсан. Энэ үеэс хойш жагсаалын зорилго өөрчлөгдөж, эмх замбараагүй байдал гарч, замын хөдөлгөөнд саад учруулж, зам хаасан. Энэ хүртэл Сүхбаатар дүүргийн Цагдаагийн нэгдүгээр хэлтсийн 5-6 алба хаагч хамгаалалт авч ажиллаж байсан ч нөхцөл байдал хүндэрч, жагсаалын бүтцэд өөрчлөлт орсон. 

Улмаар жагсаалын үеэр цагдаагийн долоон алба хаагч бэртэж гэмтсэн. Тэдний гар, хөл хугарч, толгой нь хагарсан байгаа. Зорилгоо мэдэхгүй залуус Их тэнгэрийн ам, Төрийн ордон руу дайрч эхэлсэн. Энэ талаарх мэдээлэл ч Төрийн тусгай албанаас мэдээлэл ирсэн учир хуулийн дагуу албадан таараасан. 

Харин үймээн самуун зохион байгуулсан зарим иргэдийг саатуулсан. Түүнээс тайван жагсаал хийж байгаа иргэнийг саатуулаагүй. 2012 онд худалдан авсан шүрсдэг машин, нохой зэргийг бэлэн байдалд байлгаж байсан. Түүнээс ашиглаагүй. Тус жагсаал цуглааныг долоодугаар сарын нэгний үйл явдал шиг болгохоор өдөөн турхирч байсан хүмүүс ч байсан. Тэднийг шалгаж байгаа. Саатуулсан иргэдээс тайлбар мэдээлэл аваад суллана" гэв. 

Сүхбаатарын талбайд өчигдөр болсон "Монголдоо сайхан амьдаръя" жагсаал үүрийн 4-5 цагийн үед хүчний байгууллагаас албадан тарааж, зарим иргэдийг баривчилсан юм.

Тэгвэл Эрүүгийн цагдаагийн албанаас өчигдрийн жагсаалын үеийн нөхцөл байдлын талаар мэдээлэл хийж байна. Энэ талаар ЦЕГ-аас, "Өчигдөр өглөө 10 цагаас залуус жагсаал цуглаан хийсэн. Тэд зөвшөөрөл аваагүй. Зүгээр явж байгаа залуусыг бид саатуулахгүй. Харин жагсаалын үеэр зорилгоо ч мэдэхгүй залуус бусдын автомашины цонх хагалж, чулуу мод, шидэж, эвдэж сүйтгэж байсныг саатуулсан. Цагдаагийн байгууллагын зүгээс мэдээж гарах эрсдэлээс урьдчилан сэргийлж ажилласан. Мөн жагсаалын үеэр согтууруулах ундааны зүйл хэрэглэсэн залуус байсан. Бусдыгаа өдөөн турхирах, гал тавих зэрэг үйлдэл хийж байсан залуус байсан. Бид шаардлага тавьж л ажилласан. Залуучууд руу ус шүршсэн асуудал байхгүй" гэлээ. 

Сүхбаатарын талбайд "Өөрсдөө хэмнэ" жагсаалыг өнөөдөр /2022.04.08/ өглөө 4.00-5.00 цагт хүчний байгууллагаас албадан тарааж, зарим иргэдийг баривчилсан юм.

Тэгвэл Эрүүгийн цагдаагийн албанаас өчигдрийн жагсаалын үеийн нөхцөл байдлын талаар мэдээлэл хийж байна.

Нийслэлийн Цагдаагийн удирдах газрын дарга, цагдаагийн хурандаа Р.Отгонжаргал энэ талаар хэлэхдээ "Өчигдөр өглөө 10.00 цагаас залуус Монгол Улсын Засгийн газар шаардлага хүргүүлж, жагсаал цуглаан хийсэн. Тэд зөвшөөрөл аваагүй. Гэхдээ үзэл бодлоо илэрхийлэх эрхийг нь дээдэлж, цагдаагийн байгууллагаас хэв журмыг анхааруулж, сануулж ажилласан.

Харин Хууль зүй, дотоод хэргийн сайд Х.Нямбаатарыг жагсагчидтай уулзах үеэр жагсагчид ус, ундааны сав шидэж, нэг эмэгтэйн толгойн хагарсан. Тухайн иргэний толгой хагарч, хоёр оёдол тавиулсан байгаа. 

Улмаар цагдаагийн байгууллагын алба хаагчийн тавьсан хууль ёсны шаардлагыг биелүүлэхгүй, согтууруулах ундаа хэрэглэсэн залуу олон байсан. Мөн Их тэнгэрийн аманд очиж жагсаал цуглаан хийж, төрийн тусгай объектод халдах зэргээр хууль зөрчиж, хүний тоо бууруугүй, өсвөр насны залуус, насанд хүрээгүй хүүхэд ихээр байсан. Тиймээс 03.40 минутад албадлагын арга хэмжээ авч тараасан.  Албадлагын арга хэмжээ авах үед жагсагчид эсэргүүцэл илэрхийлсэн учир 40 орчим иргэнийг саатуулсан. Үүнээс 18 иргэнээс согтолтын зэрэг тогтоогдсон учир эрүүлжүүлсэн. Харин 20 гаруй иргэнийг албадан саатуулсан" гэлээ.