Өчигдөр /2022.04.07/ эхэлсэн “Өөрсдөө хэмнэ, Ажлаа хий” лоозонтой залуучуудын жагсаал Сүхбаатарын талбай болон Маршалын гүүр орчимд өнөөдөр /2022.04.08/өглөөний үүрийн 05 цаг хүртэл үргэлжилж эцэст нь тэднийг цагдаагийн байгууллагаас хүч хэрэглэн, албадан тараалаа.
Тодруулбал, жагсаалд оролцож байсан залуучуудаас нэлээдгүй олон иргэн 03:00 цагийн орчимд төрийн гурван өндөрлөг амьдардаг Их тэнгэрийн амыг чиглэн жагсаж, “Ажлаа хий” хэмээн шаардсан юм. Харин энэ үеэр “Маршалын гүүр”-ийг техник хэрэгслээр хааж, тэднийг цааш нэвтрүүлээгүй байна, улмаар жагсаалд оролцогчдыг албадан тараасан байна.
Жагсагчид ИХ ТЭНГЭР-лүү pic.twitter.com/I2y7BrpizX
— Mandukhai Ts (@Mandukhai_) April 7, 2022
Харин Сүхбаатарын талбайд цугласан залуусыг “тэр хавийн авто зам болон гар утасны сүлжээ” зэргийг хааж, 03-04 цагийн орчимд өндөржүүлсэн цагдаагийн хамгаалалт гарч, жагсаалыг хүчээр тарааж, зарим жагсагчдыг баривчилж, цагдаагийн автомашинаар холбогдох хэлтэс рүү авч явсан байна.
Жагсаалыг хүчээр тараан хайрцаглах тактикаар хувааж, баривчилгаа явуулж бна.
— E.Odbayar Dēmos.mn ᠵᠣᠨ (@Odbayar1206) April 7, 2022
Жагсаалд урьдчилсан зохион байгуулалт хэрэгтэй, гэвч зохион байгуулалт хийх явцад иргэдийг хууль хүчний байгууллагаас шалгаж байцаадаг. Зохион байгуулалтгүй болохоор ингээд хүч хэрэглэдэг. #PoliceReform pic.twitter.com/0BUdQrOI3I
Адуу мал хашиж бгаам шиг бүсэлж бгаад л зодоод бариад явчихлаа залуусыг минь ? pic.twitter.com/hNSCWjpQlK
— Туяа (@tuya_20) April 7, 2022
Сонирхуулахад, ХЗДХ-ийн сайд Х.Нямбаатар өнгөрсөн шөнө мэдээлэл хийх үеэрээ, “Үзэл бодлоо илэрхийлж байгаа залуучуудын аюулгүй байдлыг хангаж ажиллахыг цагдаагийн байгууллагад үүрэг чиглэл өгсөн” гэж мэдэгдсэн юм.
