Оросууд Украины өмнөд хэсгийн Одесса боомт хотын "чухал дэд бүтцэд" цохилт өгсөн гэж Одесса мужийн цэргийн удирдлагын штабын хэвлэлийн төлөөлөгч С.Братчук өнөөдөр /2022.04.03/ мэдэгджээ. Тэрээр, “Өнөө өглөө дэд бүтцийн чухал объектуудын нэгд цохилт өглөө. Одоогоор нөхцөл байдал хяналтад байгаа бөгөөд холбогдох албаныхан газар дээр нь ажиллаж байна” гэжээ. Тус цохилтын талаар нэгэн гэрч, “Ням гараг /2022.04.03/-ийн өглөө нар мандахаас өмнө шатахууны агуулахад зургаан дэлбэрэлт болсон” гэж CNN агентлагт ярьжээ. Харин Одесса хотын зөвлөл, Оросын зарим пуужинг агаарын довтолгооноос хамгаалах системээр унагасан гэжээ.
Эх сурвалж: CNN
