“Ирэх мягмар-лхагва гарагийн хооронд Оросын дөрвөн байлдааны хөлөг Японы зүүн хойд хэсэгт орших Цугару хоолойгоор дайран өнгөрч, Украин руу цэрэг, байлдааны машин тээвэрлэж магадгүй байна” гэж Японы Батлан хамгаалах яамнаас өчигдөр /2022.03.16/ мэдэгджээ.
Мөн Японы Батлан хамгаалах яам “Оросын армийн нөхцөл байдал, хөдөлгөөнийг анхааралтай ажиглаж байх болно" гэж дурдсан байна.
Цугару хоолой нь Японы тэнгисийг Номхон далайтай холбодог бөгөөд Японы хамгийн том хоёр арлууд болох Хоншу ба Хоккайдогийн хооронд оршдог байна. Сонирхуулахад, Их Британийн Батлан хамгаалах яамнаас гаргасан тагнуулын мэдээнд, “Украинд алдсан цэргийн хүчээ нөхөхийн тулд Орос улс "Зүүн цэргийн тойрог, Номхон далайн флот болон Армениас" алс холын цэргийн хүчээ татаж, байршуулж магадгүй байна” гэж мэдэгдсэн билээ.
Эх сурвалж: CNN
