"Монголбанкны албан ёсны цахим хаяг хакардуулжээ" гэх мэдээлэл өнөөдөр цахим сүлжээнд гарсан.
Тодруулбал, тус банкны цахим хаяг руу ороход мэдээллүүд дээр нь "Hacket by WwW.1877.TeaM-Kurdish Hackers" гэх бичиг гарчээ. Нэг үгээр хэлбэл дээрх мэдээллүүд нь хакардуулсан байна гэжээ.
Тиймээс энэ талаарх мэдээллийг Монголбанкны эх сурвалжаас тодруулахад "Түр хаагаад тохиргоо хийсэн" гэх тайлбарыг өглөө.
Ямартай ч Монголбанкны цахим хаяг одоогоор ажиллахгүй байгаа юм.