Нийслэлийн Засаг даргын захирамжаар хүнсний дэлгүүрүүдийг 07:00-22:00 цаг хүртэл ажиллуулж байсныг 00:00 цаг хүртэл ажиллуулах шийдвэр гаргажээ.
Нийслэлийн Засаг даргын захирамж өнгөрсөн есдүгээр сарын 27-нд гарсан байна. Цар тахлын дэглэмийг сулруулж арваннэгдүгээр сарын 1-ээс соёл, спортын үйл ажиллагааг заалны 50 хувийн дүүргэлттэй эхлүүлэх шийдвэр гаргаад байсан билээ. Тэгвэл үүнтэй уялдуулан хүнсний дэлгүүрийн ажиллах хуваарийг энгийн горимд шилжүүлсэн гэжээ.
