Цар тахлын нөхцөл байдлын улмаас энэ сарын 15-ны өдрийн байдлаар нийт 18 аймгийн 189 сум иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоогоод байна.
Зарим мэдээллээс харахад одоогоор хөл хорио тогтоосон 18 аймгийн ихэнх нь долдугаар сарын 10 хүртэл хөл хориогоо сунгасан бөгөөд хүндэтгэн үзэх шалтгаангүй бол өөр аймаг сумд Улаанбаатар хотоос ирсэн иргэдийг постоороо нэвтрүүлж аялуулахгүй байх чиглэл өгчээ. Тэгвэл зарим аймаг сумдын онцгой комисстой холбогдож, тухай аймагт очиход ямар материал бүрдүүлэх мөн дамжин өнгөрч болох эсэх талаар лавлж тодруулах боломжтой юм байна.
