Коронавирусийн нөхцөл байдалтай холбогдуулан Өвөрхангай аймгийн Уянга сумын Засаг дарга дараах захирамжийг гаргажээ. Захирамжид
- Нэг. Аялал жуулчлал, амралт жуулчны баазын үйл ажиллагааг 2021 оны 06 дугаар сарын 17-ны өдрөөс эхлэн 2021 оны долдугаар сарын 30-ныг хүртэлх хугацаанд түр хориглосугай.
- Хоёр. Жуулчдыг 2021 оны 07 дугаар сарын 30-ны өдрийг хүртэлх хугацаанд хүлээж авахгүй байхыг “Цозгор” ХХК-ийн захирал, амралт, аялал жуулчлалын үйл ажиллагаа явуулж буй байгууллага, иргэдэд үүрэг болгосугай.
- Гурав. Аялал, жуулчлалын чиглэлээр суманд ирж буй иргэдийг нэвтрүүлэхгүй байхыг үүрэг болгосугай” гэжээ.
Тус сумын нутаг дэвсгэрт орших Хүйсийн найман нуурт дотоодын жуулчин олноор очдог билээ.
