Дэлхийн эрүүл мэндийн байгууллага/ДЭМБ/ коронавируст халдварын хувилбаруудад шинэ нэршил өгчээ. Ингэхдээ грек үг ашигласан байна. Тодруулбал, Их Британийн хувилбарыг "Альфа", Өмнөд Африкийн хувилбарыг "Бета", Энэтхэгийн хувилбарыг "Дельта" хэмээн өөрчилжээ.
Ингэснээр хувилбаруудын нэршлийг хялбарчилж хооронд нь ялгахад амар болохоос гадна мутациас шалтгаалж тухайн улсыг доромжлохоос сэргийлнэ хэмээн үзсэн байна.
Учир нь энэ сарын эхээр Энэтхэгийн засгийн газраас В.1.617.2 хувилбарыг Энэтхэгийн хувилбар хэмээн нэрлэж буйг шүүмжилж, уг үгийг ашигласан бүхий л агуулгыг интернет орчноос устгахыг хүссэн юм. Гэвч ДЭМБ албан ёсоор Энэтхэгийн хувилбар гэсэн нэр томьёог нэг ч удаа ашиглаж байгаагүй гэдэг тайлбарыг хэлсэн.
Үүнтэй холбоотойгоор ДЭМБ-ын “Ковид-19” техникийн удирдагч Мария Ван Керхов “Хувилбарыг анх илрүүлсэн, мэдээлсэн гэж ямар ч улсыг гутаан доромжилж болохгүй” гэжээ.
Today, @WHO announces new, easy-to-say labels for #SARSCoV2 Variants of Concern (VOCs) & Interest (VOIs)
— Maria Van Kerkhove (@mvankerkhove) May 31, 2021
They will not replace existing scientific names, but are aimed to help in public discussion of VOI/VOC
Read more here (will be live soon):
https://t.co/VNvjJn8Xcv#COVID19 pic.twitter.com/L9YOfxmKW7
