Бүгд Найрамдах Ардчилсан Конго Улсын зүүн хэсэгт байрлах Нирагонго галт уул дэлбэрсний улмаас 31 хүн нас бараад байна. Түүнчлэн олон зуун хүүхэд эцэг эхээсээ төөрч, сураггүй алга болжээ. Засгийн газрын мэдээлж буйгаар хохирлын тоог баталгаажуулаагүй байгаа бөгөөд нас барсан хүмүүсийн тоо нэмэгдэх магадлалтай байгаа аж.
Нирагонго галт уул өнгөрсөн бямба гарагт эрчимжсэн бөгөөд тун удалгүй ойролцоох Гома хотын иргэд хөрш Руанда руу олноороо дүрвэж, эмх замбараагүй байдал үүссэн юм. НҮБ-ын Хүүхдийн сан (ЮНИСЕФ) мэдээлж буйгаар 150 гаруй хүүхэд гэр бүлээсээ төөрч, хамгаалах байранд очсон бол 170 хүүхэд сураггүй алга болжээ. Түүнчлэн 17 тогсон сүйрч, 600 гаруй барилга нурсан байна.
Өмнө нь Нирагонго галт уул 2002 онд дэлбэрч 250 хүн амь үрэгдэн хэдэн мянган хүн орон гэргүй хоцорч байсан юм. 3,470 метр (ойролцоогоор 11,385 фут) өндөртэй тус галт уул нь БНАСАУ-ын Руанда, Угандатай хиллэдэг бөгөөд ховор уулын гориллуудтай гэдгээрээ алдартай.
ҮЗЭХ:
Эх сурвалж: BBC
