Манай улсад сүүлийн долоо хоногуудад халдварын тохиолдол эрчимтэй нэмэгдэж, орон нутагт халдвар голомтлон гарах боллоо. Мөн нийслэл хотод ч эрсдэлгүй хороо, дүүрэг байхаа больж тэр чигээрээ халдварын голомт болсон гэдгийг мэргэжилтнүүд анхааруулж буй.
Өчигдөр хорих 461-р ангид коронавирусийн халдвар илэрсэнтэй холбогдуулан тус ангид товлогдоод байсан шүүх хурлуудыг тодорхойгүй хугацаагаар хойшлуулсан талаар бид өмнө нь мэдээлсэн. Тэгвэл энэ талаар ЭМЯ-ны өнөөдрийн мэдээллийн үеэр ХӨСҮТ-ийн Тандалт судалгааны албаны дарга Ж.Байгалмаа “ШШГЕГ-ын харьяа хорих 461-р ангийн саатуулах байранд халдвар гарсан нь үнэн. Тиймээс яаралтай арга хэмжээ авч саатуулах байранд байсан бүх иргэдийг шинжилгээнд хамруулан тусгаарлаад байна” гэж мэдээллээ.
