Энэ сарын 11-ны өдөр эхэлсэн “Нэг хаалга-нэг шинжилгээ”-ний хүрээнд өнөөдрийн байдлаар нийт 37 хүнээс халдвар илрээд байна. Эдгээрийн 19 нь шинээр бүртгэгдсэн халдвар бол 18 нь уг бүртгэгдсэн тохиолдлуудын ойрын хавьтал, гэр бүлийн хүмүүс байна.
Цаашид 4-5 дүүрэгт шинжилгээ хийх дутуу байгаа юм. Өнөөдрийн хувьд Хан-Уул дүүргийн иргэдээс шинжилгээ авч буй. Үүнтэй холбоотойгоор суурин гурван цэг, явуулын 127 баг ажиллаж байгаа аж. Дараа нь:
- Энэ сарын 19-нд Чингэлтэй дүүргийн өрхүүдээс,
- Энэ сарын 20-нд Сүхбаатар дүүргийн өрхүүдээс,
- Энэ сарын 21-22-нд Баянзүрх дүүргийн өрхүүдээс шинжилгээ авах юм.
Харин алслагдсан буюу Багахангай, Багануур, Налайх дүүрэгт шинжилгээ авах ажил үргэлжилж байгаа гэдгийг ЭМЯ-аас мэдээллээ.
