ЭМЯ-аас коронавируст халдварын нөхцөл байдлыг танилцуулах үеэр эх сурвалж тодорхойгүй таван тохиолдол бүртгэгдсэн талаар мэдээллээ. Мөн сүүлд илэрсэн голомтууд нэлээн өргөн цар хүрээтэй байгаа аж. Тодруубал,
- “Монгол шир" компанийн голомтод өргөжүүлсэн тандалт хийхэд халдварын 7 тохиолдол нэмэгдэж, халдварын голомтод нийт 25 тохиолдол бүтгэгдсэн.
- Х апартментад халдвар нэмэгдэж нийтдээ 13 тохиолдол болсон.
- Банк бус санхүүгийн байгууллагатай холбоотой гэр бүлийн үргэлжилсэн халдвар нэмэгдэж 40 тохиолдол болсон.
- Чингэлтэй дүүргийн Бэлхийн гутлын цехийн халдварын голомтод гэр бүл, найз нөхдийн хүрээнд халдвар тархаж нийт 26 тохиолдол бүртгэгдсэн.
- СХД-ийн худалдааны төвийн голомт мөн идэвхтэй байгаа бөгөөд 17 тохиолдол болсон.
Одоогоор нийслэлийн хэмжээнд эдгээр голомт хамгийн идэвхтэйд тооцогдож байна. Мөн Чингэлтэй, Сүхбаатар, Сонгинохайрхан дүүргүүдийн нийтийн байруудад халдвар нэлээд идэвхтэй байгааг ХӨСҮТ-ийн Тандалт судалгааны албаны дарга А.Амбасэлмаа хэллээ.
