Гадаадад гацсан монголчуудыг эх оронд нь авч ирэх асуудлаар Гадаад харилцааны яамны Консулын газрын дарга Л.Мөнхтүшиг ЭМЯ-ны 11.00 цагийн мэдээллийн үеэр ярьсан юм.
Тэрээр "Гадаадын улс орнуудаас нэн яаралтай буцах хүсэлтэй байгаа 2154-д хүрээд байна. Дотоодын халдвар болон тэдгээрийн хавьтлуудыг тусгаарлах байранд байлгаж байгаа энэ нөөц боломжтойгоо уялдуулж, хоёроос гурван нислэг хийх боломжийг судалж байгаа. Тэгэхээр тийз нь баталгаажсан, 11-р сарын нислэгээр ирэх гэж байсан иргэд тэргүүн ээлжид үйлдэгдэх нислэгүүдэд хамрагдана гэж ойлгох хэрэгтэй. 11-р сард яаралтай нутаг буцах хүсэлтэй иргэдийн тоо огцом буурсан байсан ч тусгай үүргийн нислэгүүд зогссонтой холбоотойгоор нэмэгдсэн.
Үнэхээр хүнд хэцүү нөхцөлд байгаа иргэдэд тодорхой шаардлага тавьж, санхүүгийн баримт нотолгоог харгалзаж, эмзэг байдлын дүгнэлтийг нь хийсний эцэст зардлыг нь даах чиглэлээр НҮБ-ын Олон Улсын шилжил хөдөлгөөний байгууллагатай хамтран ажиллаж байна" гэлээ.