Хотын дарга Х.Нямбаатар өнгөрсөн жил замын бордьюр сольсон бол энэ жил явган хүний замын хавтанг шинэчилж байна.
Тэгвэл УИХ-ын гишүүн Б.Шижир Хотын дарга Х.Нямбаатарын эл үйлдлийг шүүмжилжээ. Тодруулбал, тэрбээр "Өнөөдөр 54 тэрбумаар нийслэл явган хүний замын чулуун хавтан сольж байна. Өнгөрсөн жил л гэхэд 297 тэрбум 419 сая төгрөгөөр зам засаж бордьюр сольсон. Гэтэл нийслэлийн хэмжээнд 17 сургууль, 20 цэцэрлэг ширээ сандалгүй мөнгө нь уг нь улсын төсөвт суусан ч сайд нь сонгон шалгаруулалт хийгээгүй гээд татуулсан. 18 сургууль гурван ээлжтэй буюу оройн 10 цагт шөнө тарж байна. Хоёр ээлжтэй сургууль нь нэг ангидаа 50-70 хүүхэдтэй. Жишээ хэлэхэд, Алтан гахай жилд төрсөн хүүхдүүдийг ардын засаг нь удахгүй сургуульд орно гэдгийг нь мартсан байх жишээтэй. МАН-ынхан тасралтгүй засаг бариад 10 дахь жилдээ орлоо. ХҮН намаас боловсролын сайдтай болсон. Юу шийдэгдэж, юу өөрчлөгдөв" гэжээ.
