АНУ, Канад, Мексик улсууд хамтран зохион байгуулсан 2026 оны хөлбөмбөгийн ДАШТ өнөөдөр аваргын төлөөх тоглолтоор өндөрлөлөө.
Тэмцээний төгсгөлд Испанийн шигшээ Аргентиныг 1:0-ээр буулган авч дэлхийн аваргын цомыг өргөсөн бол хүрэл медалийн төлөөх тоглолтод Английн шигшээ Францыг 6:4-өөр хожиж, хүрэл медалийн эзэн болсон юм.
Хэдийгээр Франц медальгүй үлдсэн ч багийн ахлагч Килиан Мбаппе түүхэн амжилтын эзэн болов. Тэрбээр хүрэл медалийн төлөөх тоглолтод хоёр гоол оруулснаар энэ удаагийн ДАШТ-д 10, Дэлхийн аваргын тэмцээнүүдэд нийт 22 дахь гоолоо бүртгүүлж, бүх цаг үеийн мэргэн буучдын жагсаалтыг ганцаараа тэргүүлж эхэлсэн юм.
Харин өмнөх дээд амжилтыг 21 гоолтойгоор эзэмшиж байсан Аргентины ахлагч Лионель Месси өнөөдөр Испанийн эсрэг финалын тоглолтод гоол оруулж чадсангүй. Ингэснээр 27 настай Килиан Мбаппе ДАШТ-ий бүх цаг үеийн мэргэн буучийн амжилтыг албан ёсоор шинэчилж, ирэх 2030 оны дэлхийн аварга хүртэл уг рекордын эзэн байх нь тодорхой боллоо.
.jpg)
.jpg)
