Бүгд Найрамдах Ардчилсан Конго Улсад дэгдээд буй Эбола вирусийн халдварын нөхцөл байдал хүндэрч, батлагдсан халдварын тоо 2 мянга 181-д хүрч, 864 хүн нас бараад байгааг албаныхан мэдээллээ.
Энэ удаагийн дэгдэлт нь Bundibugyo төрлийн Эбола вирусээр үүсгэгдсэн бөгөөд уг омогт зориулсан батлагдсан вакцин, тусгай эмчилгээ одоогоор байхгүй байна. Эрүүл мэндийн байгууллагууд туршилтын эмчилгээг ашиглаж эхэлсэн ч халдварыг бүрэн хяналтдаа авч чадаагүй байгаа аж.
Дэлхийн эрүүл мэндийн байгууллагын мэдээлснээр, шинээр бүртгэгдэж буй халдваруудын дийлэнх нь халдварын эх үүсвэр нь тодорхойгүй байгаа нь өвчний тархалтыг хумихад хүндрэл учруулж байна. Үүнээс гадна Эболатай тэмцэж буй эрүүл мэндийн байгууллагууд руу хэд хэдэн удаа халдлага гарч, зарим хүмүүнлэгийн байгууллага ажилтнуудаа эрсдэлтэй бүсээс татан гаргажээ.
Харин хөрш Уганда улс хамгийн сүүлийн Эбола өвчтөнөө эмнэлгээс гаргаж, ДЭМБ-ын журмын дагуу 42 хоногийн ажиглалтын хугацааг эхлүүлээд байна. Хэрэв энэ хугацаанд шинэ тохиолдол бүртгэгдэхгүй бол Эболагийн дэгдэлт дууссанд тооцох юм. Дэлхийн эрүүл мэндийн байгууллага Конго дахь нөхцөл байдлыг олон улсын хамтын ажиллагаа шаардсан нийгмийн эрүүл мэндийн онцгой байдал хэвээр байгааг онцолж, халдварын бодит тоо албан ёсны бүртгэлээс өндөр байх магадлалтайг анхааруулжээ.
.jpg)
.jpg)
