Нийслэлийн Налайх дүүргийн 1 дүгээр хороонд байрлах цайны газрын гэр өчигдөр шатаж, 5 айлын гэр өртжээ. Өчигдөр /2026.06.08/ өдрийн 10:14 цагт тус дүүргийн Онцгой байдлын хэлтсийн 28 дугаар анги очиж, уг галыг унтраасан байна.
Иргэн М-ийн таван ханатай хоёр гэрийн баруун тал хайрагдаж, иргэн Э-ын таван ханатай гурван гэр, 4х6 метрийн хэмжээтэй амбаар болон 20 л багтаамжтай хоёр ширхэг хийн баллон, иргэн С-ийн таван ханатай гурван гэр, 4х6 метрийн хэмжээтэй амбаар болон 20 л багтаамжтай гурван ширхэг хийн баллон, иргэн Х-ийн таван ханатай хоёр гэр, 4х6 метрийн хэмжээтэй амбаар болон 20, 60 л багтаамжтай хоёр ширхэг хийн баллон, иргэн Ц-ийн таван ханатай хоёр гэр болон 20 л багтаамжтай хоёр ширхэг хийн баллон уг галд өртжээ.
