Монгол Улсын Үндсэн хуулийн цэцийн Их суудлын хуралдаан найман гишүүний бүрэлдэхүүнтэйгээр өглөөний 09:30 цагаас эхэлж 10:40 цагт завсарлалаа. Монгол Улсын Дээд шүүхийн Ерөнхий шүүгч улиран томилогдох эсэхтэй холбоотой маргааныг хэлэлцсэн тус хуралдааны шийдвэрийг 13:30 цагт танилцуулахаар болжээ.
Тодруулбал, 2021 онд баталсан Монгол Улсын шүүхийн тухай хууль-ийн 36.7-д “Улсын дээд шүүхийн Ерөнхий шүүгчийг Улсын дээд шүүх санал болгосноос хойш Ерөнхийлөгч 14 хоногийн дотор зургаан жилийн хугацаагаар, зөвхөн нэг удаа томилно” гэж заасан байдаг. Харин уг заалтын “...зөвхөн нэг удаа...” гэсэн хэсэг нь өмнө нь Монгол Улсын Үндсэн хуулийн цэц-ийн 2016 оны 12 дугаар дүгнэлтээр хүчингүй болгосон зохицуулалтыг агуулгын хувьд дахин сэргээсэн бөгөөд энэ нь Үндсэн хуулийн 51.2 дахь заалтыг зөрчсөн эсэх асуудлыг Цэцийн Их суудлаар хэлэлцэж байгаа юм. Уг мэдээллийг иргэнээс гаргасан гомдлын дагуу авч хэлэлцжээ.
Монгол Улсын Үндсэн хууль-ийн 51.2-т “Шүүхийн ерөнхий зөвлөлөөс Улсын дээд шүүхийн шүүгчдийг УИХ-д танилцуулснаар, бусад шүүхийн шүүгчдийг Шүүхийн ерөнхий зөвлөлийн санал болгосноор тус тус Ерөнхийлөгч томилно. Ерөнхий шүүгчийг Улсын дээд шүүхийн санал болгосноор гишүүдийнх нь дотроос зургаан жилийн хугацаагаар Ерөнхийлөгч томилно” гэж заасан байдаг. Өөрөөр хэлбэл, хэрэв Монгол Улсын Үндсэн хуулийн цэц “...зөвхөн нэг удаа...” гэсэн зохицуулалт нь Үндсэн хууль зөрчсөн гэж үзвэл Монгол Улсын шүүхийн тухай хууль-ийн холбогдох заалтыг Үндсэн хуульд нийцүүлэн өөрчлөх шаардлага үүсэх юм.
.jpg)
