Өнөөдөр Монгол Улсын Их Хурлын нэгдсэн хуралдаан 10.00 цагт эхэлж, зарим хэлэлцэж дууссан хуулийн төсөлд санал хураалт явууллаа.
Хуралдааны эхэнд Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцэв. Уг хуулийн төслийг УИХ-ын гишүүн Ж.Бат-Эрдэнэ нарын 12 гишүүн 2026 оны 5 дугаар сарын 13-нд өргөн мэдүүлсэн бөгөөд хуралдаанд асуулт, хариултын шатанд амжилттай хэлэлцэн үзэл баримтлалын хүрээнд хэлэлцэх эсэхийг санал хураав. Санал хураалтын дүнгээр чуулганд оролцсон 88 гишүүний 52 нь хуулийн төслийг дэмжиж, анхны хэлэлцүүлэгт бэлдүүлэхээр Төрийн байгуулалтын байнгын хороо руу шилжүүллээ.
