АНУ-ын Ерөнхийлөгч Д.Трамп Иранд явуулж буй цэргийн ажиллагаагаа хоёр долоо хоног зогсоож буй талаараа мэдэгдлээ.
Тодруулбал, тэрээр өөрийн Truth Social платформд нийтэлсэн мэдэгдэлдээ, "Пакистаны Ерөнхий сайд Шехбаз Шариф болон хээрийн маршал Асим Мунир нартай хийсэн ярианы үндсэн дээр, мөн тэд өнөө орой Ираны эсрэг илгээх гэж байсан сүйтгэх хүчийг түр хойшлуулахыг надаас хүссэнтэй холбогдуулан, Ираны Исламын Бүгд Найрамдах Улс Ормузын хоолойг БҮРЭН, НЭН ДАРУЙ, АЮУЛГҮЙ нээхийг зөвшөөрөх нөхцөлд, би Ираны эсрэг бөмбөгдөлт болон дайралтыг хоёр долоо хоногийн хугацаанд түр зогсоохыг зөвшөөрч байна.
Энэ нь хоёр талын ГАЛ ЗОГСООХ шийдвэр байх болно. Үүнийг хийж буй шалтгаан нь бид аль хэдийн бүх цэргийн зорилтуудаа биелүүлж, бүр давуулан биелүүлсэн бөгөөд Ирантай урт хугацааны ЭНХ ТАЙВНЫ талаар, мөн Ойрхи Дорнодод энх тайвны талаар тодорхой тохиролцоонд хүрэхэд нэлээд ахиц гаргасан явдал юм.
Бид Иранаас 10 заалт бүхий санал хүлээн авсан бөгөөд энэ нь хэлэлцээ хийх боломжит суурь гэж үзэж байна. Өмнө нь маргаантай байсан ихэнх асуудлууд АНУ болон Ираны хооронд бараг тохиролцсон. Харин хоёр долоо хоногийн хугацаа нь энэхүү гэрээг бүрэн дуусгаж, баталгаажуулах боломж олгоно. Америкийн Нэгдсэн Улсын Ерөнхийлөгчийн хувьд, мөн Ойрхи Дорнодын орнуудыг төлөөлөн хэлэхэд, энэхүү олон жилийн асуудал шийдэлд ойртож буй нь нэр төрийн хэрэг юм. Энэ асуудалд анхаарал хандуулсанд баярлалаа! Ерөнхийлөгч ДОНАЛЬД Ж. ТРАМП" гэжээ.
Эх сурвалж: Foxnews
PRESIDENT TRUMP: 🇮🇷🇺🇸 Based on conversations with Prime Minister Shehbaz Sharif and Field Marshal Asim Munir, of Pakistan, and wherein they requested that I hold off the destructive force being sent tonight to Iran, and subject to the Islamic Republic of Iran agreeing to the… pic.twitter.com/5kusEoCMbf
— Donald J Trump Posts TruthSocial (@TruthTrumpPost) April 7, 2026
