Индонезийн зүүн хэсэгт орших Тернате хотын эрэг орчмын Өмнөд Молукка тэнгист 7.4 магнитудын хүчтэй газар хөдлөлт болсны дараа албаныхан цунамигийн анхааруулга гаргалаа.
АНУ-ын Геологийн судалгааны албаны (United States Geological Survey) мэдээлснээр газар хөдлөлтийн голомт 10 км-ийн гүнд байсан бөгөөд анх 7.8 магнитудын хүчтэй гэж бүртгэгдсэн байна. Газар хөдлөлтийн төв нь Индонезийн Хойд Малуку мужид, Тернате хотоос ойролцоогоор 120 км зайд байрлажээ. АНУ-ын Цунамигийн анхааруулгын системийн мэдээлснээр газар хөдлөлтийн төвөөс 1000 км-ийн радиуст орших эрэг орчмын бүсүүдэд, тухайлбал Индонез, Филиппин, Малайзын эрэг дагуу аюултай цунамигийн давалгаа үүсэх магадлалтай байгааг анхааруулсан байна.
