Өнөөдөр /2025.11.30/ өдөр зүүн аймгуудын ихэнх нутгаар цас орж, цасан шуурга шуурч, ихэнх нутгаар хүйтний эрч чангарч, Алтайн уулархаг нутаг болон говийн бүс нутгаар салхи шуургатай байхыг анхааруулж байна.
Харин маргааш буюу 12 дугаар сарын 01-нд Монгол-Алтайн уулархаг нутаг, Халх голын сав газраар, 12 дугаар сарын 03-нд Хөвсгөл, Хэнтийн уулархаг нутаг, Дорнод-Дарьгангын тал нутгаар ялимгүй цас орж, цасан шуурга шуурна.
Салхи 12 дугаар сарын 01-нд нутгийн зарим газраар, 12 дугаар сарын 03, 04-нд тал хээрийн нутгаар секундэд 14-16 метр хүрч ширүүснэ.
Дархадын хотгор, Завхан, Заг-Байдраг голын эх, Идэр, Тэс голын хөндийгөөр шөнөдөө -39…-44 градус, өдөртөө -22…-27 градус, Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн голын хөндийгөөр шөнөдөө -30…-35 градус, өдөртөө -17...-22 градус, Хангайн нурууны өвөр бэл, говийн бүс нутгийн баруун өмнөд хэсгээр шөнөдөө -15…-20 градус, өдөртөө -5…-10 градус, бусад нутгаар шөнөдөө -24…-29 градус, өдөртөө -12…-17 градус хүйтэн байна. Ирэх долоо хоногийн Лхагва гараг буюу 12 дугаар сарын 03-наас хүйтний эрч суларна гэж Ус цаг уур орчны шинжилгээний газраас мэдээллээ.
