Ус цаг уур, орчны шинжилгээний газрын арав хоногт нэг удаа хийдэг хээрийн цасны хэмжилтийн дүнгээр аравдугаар сарын 20-ны байдлаар нийт нутгийн 46 хувь цастай байна.
Увсын Хяргас, Цагаанхайрхан, Хөвсгөлийн Цэцэрлэг, Цагаан-Үүр, Ренчинлхүмбэ сумдын нутагт 10–20 см, Хөвсгөлийн Алаг-Эрдэнэ суманд 26 см зузаан цас тогтжээ. Харин бусад нутгаар 0–10 см хүртэл цастай байна. Өнгөрсөн арав хоногт агаарын температур нийт нутгаар -11.5...-1.1 хэмийн хооронд хэлбэлзэж, дунджаар хүйтэн байлаа. Хур тунадас ихэнх нутгаар дунджийн орчим болон ахиу орсон бөгөөд зөвхөн Баян-Өлгий, Увс, Ховд, Говь-Алтай, Баянхонгор аймгийн зарим сумдын нутгаар дунджаас бага орсон байна.
Түүнчлэн тал, хээр болон говийн бүс нутгаар салхины хурд түр зуур 16–27 м/с хүрч, аюултай үзэгдлийн түвшинд хүрэн ширүүсжээ. Мал аж ахуйн үйлдвэрлэлд өвөлжилтийн бэлтгэл хангах ажил үргэлжилж байна. Малчид хадлан, тэжээл, хужир шүү бэлтгэн нөөцлөж, отор нүүдэл хийж буйг холбогдох байгууллагууд мэдээллээ.
.jpg)
