2025 оны есдүгээр сарын 22-ны 12 цагийн байдлаар Завхан аймгийн Улиастай, Яруу, Идэр, Алдархаан, Цагаанхайрхан, Шилүүстэй, Отгон сумуудад цас үргэлжлэн орсоор байна.
Зарим газраа 60 орчим см цас оржээ. Улмаар Загастайн давааг онгойлгохоор Онцгой, Завхан АЗЗА, Автотээврийн газрууд хоёр талаас нь ажиллаж байна. Иймд Загастайн давааг онгойтол замд гарахгүй байхыг хүсье гэж Автотээврийн Үндэсний Төвөөс анхаарууллаа.
