Ойрын өдрүүдэд ихэнх нутгаар салхи шуургатай багатай, дулаарч, хуурайшилт нэмэгдэх тул болзошгүй ой хээрийн түймрээс сэрэмжтэй байхыг анхааруулж байна.
Өнөөдөр /2025.04.06/ Хөвсгөл, Хэнтийн уулархаг нутгаар, маргааш буюу энэ сарын 07-нд нутгийн баруун өмнөд хэсгээр, 08-нд говийн аймгуудын нутгийн өмнөд хэсгээр, 09-нд баруун аймгуудын нутгийн зарим газраар, 10-нд төв болон говийн аймгуудын нутгийн зарим газар, зүүн аймгуудын нутгийн баруун хэсгээр, 11-нд зүүн аймгуудын нутгийн зүүн хэсгээр хур тунадас орно.
Ихэнх хугацаанд ихэнх нутгаар секундэд 5-10 метр, өнөөдөр /2025.04.06/ нутгийн зарим газраар, энэ сарын 11-нд говь, тал, хээрийн нутгаар секундэд 12-14 метр хүрч, шороон шуурга шуурна.
Увс нуурын хотгор, Завхан голын эх, Тэс голын хөндийгөөр шөнөдөө -11...-16 градус хүйтэн, өдөртөө 0...-5 градус дулаан, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -6...-11 градус хүйтэн, өдөртөө +3...-+8 градус дулаан, Орхон Сэлэнгийн сав газар, говийн бүс нутгийн өмнөд хэсгээр шөнөдөө -3...+2 градус, өдөртөө +16...+21 градус дулаан, бусад нутгаар шөнөдөө -2...-7 градус хүйтэн, өдөртөө +9...+14 градус дулаан байна. Өнөөдөр /2025.04.06/ ихэнх нутгаар, энэ сарын 09-нд нутгийн хойд хэсгээр бага зэрэг сэрүүснэ. Улаанбаатарт ирэх долоо хоногт хур тунадас орохгүй. Ихэнх хугацаанд секундэд 5-10 метр, өнөөдөр баруун өмнөөс хойш эргэж секундэд 12-14 метр хүрч, шороон шуурга шуурна. Ирэх долоо хоногт шөнөдөө -1...-6 градус хүйтэн, өдөртөө +9...-14 градус дулаан байна гэж Ус цаг уур орчны шинжилгээний газраас мэдээллээ.
