УИХ-ын чуулганаар өнөөдөр АТГ-ын дарга З.Дашдавааг улираан томилох талаар хэлэлцсэн билээ.
ВИДЕО:
Энэ үеэр УИХ-ын гишүүн О.Цогтгэрэл: Авлигал өнөөдөр Монголын нийгмийн анхаарал татсан, нийгмийн бухимдлыг дээд түвшинд аваачсан асуудал болоод байна. Авлигалын үндэс шалтгаан төртэй холбоотой. Төрөөс зүй бус давуу тал олгосонтой холбоотой. Монголын төр ийм том хэмжээнд данхайчихсан, төсөв нь эдийн засгийнхаа талд оччихсон, төрийн өмчит компани нь үлдсэн хэсгийнх нь талд оччихсон, үлдсэн хэсгийнх нь ихэнхийг нь төрөөс тусгай зөвшөөрөл олгодог бизнесүүд эзэлчихсэн энэ тохиолдолд авилгал их байх нь ойлгомжтой. Нэг гараараа төрийг данхайлгаад нөгөө гараараа нэг хэсэг хүмүүсийг авилгалтай тэмц гэж болохгүй. Энэ бол дүр эсгэсэн ардчилал гэдэг дүр эсгэсэн авилгатай тэмцэх тэмцэл явж байна. Үнэхээр авилгалыг бууруулья гэвэл төрийн оролцоог бууруулах хэрэгтэй. Авлигатай тэмцэх тэмцэл өнөөдөр тэгш бус байгаа нь ард иргэдийг бухимдуулж байна. Тэгш бус гэдэг нь дээшээ сул, доошоо чанга байна гэсэн үг.
