УИХ дахь МАН-ын бүлэг ээлжит бус хуралдаанаар Авлигатай тэмцэх газрын даргын томилгооны асуудлыг хэлэлцэж, улираан томилох саналыг дэмжсэн билээ. Энэ асуудал дээр бид УИХ-ын гишүүн Ч.Ундрамын байр суурийг тодруулллаа.
ВИДЕО:
УИХ-ын гишүүн Ч.Ундрам: З.Дашдаваа гэдэг хүний өнгөрсөн зургаан жил ажилласан байдлыг хараад би хувьдаа дэмжихгүй байгаа. Авлигатай тэмцэх газрын үйл ажиллагааг дүгнэдэг олон улсын байгууллагууд байна. Ард түмэн ч харж байна. Авлигын төсөөллийн индекс гэж гадаадын судлаачид ирж судалдаг судалгаа бий. Үүнээс харахад, авлигын гэмт хэрэг шийдэгдэж байна уу, нийтийн албан тушаалтан авлигатай орооцолдож байна уу гэдгийг илрүүрэх зорилготой асуултууд байдаг. Үүн дээр энэ хүн 100 онооноос 30 оноо аваад манай улс 120 дугаар байрт байна. 100 онооноос 30 оноо авна гэдэг бол муугийн муу гэсэн үг. Тэгээд авлигын төсөөллийн индексийг болохоор зүгээр ард түмэн сэтгэл ханамжгүй болохоор ингэж тайлбарлаж байна гэж З.Дашдаваа бүлэг дээр тайлбарласан. Ингэж болохгүй. Бид авлигын эсрэг конвенцид нэгдээд Транспаренси гэдэг байгууллагын гишүүнээр ороод авлигатай тэмцэх газрын ажилчид нь жил бүр тус байгууллагаас зохион байгуулсан хуралд явдаг. Тийм хэрнээ “Бид сайн ажиллаж байгаа. Ард түмэн олж харахгүй байна” гэдэг хариулт өгч болохгүй. Ард түмэн ч гэсэн энэ байгууллагад итгэхгүй байна шүү дээ.
