Өнөөдрийн /2025.04.02/ Засгийн газрын хуралдаанаар 2026 оныг Боловсролыг дэмжих жил болгон зарласан байна.
Энэ талаар Боловсролын сайд П.Наранбаяр "Яг одоо боловсролын салбартаа хөрөнгө оруулбал эдийн засгийн өсөлт жилдээ 30 хувь хүрэхэд ойрхон байна гэх судалгааг Дэлхийн банкнаас гаргасан. Боловсролын тэгш хүртээмжийн асуудал, хүүхдийн сурах таатай орчныг бүрдүүлэх, Боловсролын багц хуулийг хэрэгжүүлэхэд өнөөдрийн шийдвэр их нөлөө үзүүлнэ. Боловсролыг дэмжих жилийн хүрээнд бид боловсролын салбартаа зургаан шинэчлэлийг эхлүүлнэ. Хамгийн гол нь цэцэрлэг, сургуулийн хүртээмжийг нэмэгдүүлэх юм. 2030 он гэхэд 88 мянган хүүхэд нэмэгдэхээр байна. Энэ хүүхдүүдэд зориулсан 95 цэцэрлэг, 108 сургууль хэрэгтэй. Тиймээс бид үүн дээр үндэслэн төсвүүдийг зарцуулна. Багшийн дутагдлаас гаргах, багшийг хөгжүүлэхэд түлхүү анхаарна. Боловсролыг дэмжих жил болгосон нь хүний нөөцийн бодлоготой шууд уялдах юм" гэлээ.
ВИДЕО:
