Долоо хоног бүрийн Пүрэв, Баасан гаригт хуралддаг товтой УИХ-ын ээлжит чуулган энэ долоо хоногт хуралдах тов тогтоогүй байна. Учир нь УИХ-ын дарга Д.Амарбаясгалан Их Британийн Парламентын Нийтийн танхимын дарга Линдзи Хойлын урилгаар Их Британи, Умард Ирландын Нэгдсэн Хаант Улсад айлчилж байгаа юм. Тиймээс ирэх долоо хоногт УИХ-ын ээлжит чуулган товлолт хуваарийн дагуу хуралдах бололтой. Харин өнөөдөр, маргааш Хууль зүй болон Төрийн байгуулалтын байнгын хороо хуралдаж доорх асуудлуудыг хэлэлцэхээр товложээ.
