Засгийн газрын хуралдаанаас гарсан шийдвэрийг танилцуулж байна.
Энэ үеэр Хотын дарга Х.Нямбаатар "Өнөөдрийн Засгийн газрын ээлжит хуралдаанаар Улаанбаатар хотын агаарын бохирдлыг бууруулах чиглэлээр авах арга хэмжээний тухай тогтоолыг албажуулан баталлаа. Нийслэл Улаанбаатар хотод 200 мянга гаруй айл өрх өнөөдрийн байдлаар хатуу түлш буюу нүүрс хэрэглэж байна. Үүнээс гадна 2500 орчим нам даралтьын зуурх, уурын зуух өнөөдпөройн агаарын бохирдлыг үүсгэж байгаа.
Мөн 804 мянган автомашин замын хөдөлгөөнд оролцож, ТЭЦ 2, 3, 4 гэсэн эх үүсвэрүүд агаарын бохирдлыг үүсгэж байгаа талаар Жайка олон улсын байгууллагын хийсэн судалгаа бий.
200 мянга гаруй айл өрхийн хатуу түлшний хэрэглээг өнөөдрийн агаарын бохирдлын гол эх үүсвэрээр нэрлэж байгаа. Ирэх өвөлжилтийн бэлтгэл ажлыг хангахаар 32-50 мянга орчим айл өрхүүдийг хийн халаалтад шилжүүлэх тогтоолын төслийг баталж өглөө. Үүний тулд айл өрхийн дулаалгын асуудлыг шийдвэрлэж, хатуу түлшнээсээ татгалзасан тохиолдолд айлуудад хийн зуухыг байрлуулж, есдүгээр сарын 15-наас тавдугаар сарын 15-ныг дуустал сар бүр 100 мянган төгрөгийн татаасыг олгох зохиоцуулалтыг өнөөдрийн тогтоолоор албажуулж өгсөн. Айлууд дулаан алдалтаа бууруулж, стандартын шаардлагыг хангасан тохиолдолд л хийн шилжилт рүү шилжүүлэхээр заасан байгаа. Мөн айл өрхүүдийг дулаалгын стандарт нэвтрүүлэхэд цэргийн байгууллага, төрийн өмчит компаниуд дэмжлэг үзүүлж оролцох агуулга илэрхийлсэн" гэлээ.
ШУУД ҮЗЭХ:
