Монгол Улсын Их Хурлын тухай хуульд хаврын ээлжит чуулганыг гуравдугаар сарын 15-ны өдөр нээх, чуулганы нээлтийн өдөр амралт, баяр ёслолын өдөртэй давхацвал дараагийн ажлын өдөр нээхээр заасан. Үүний дагуу Улсын Их Хурлын 2025 оны хаврын ээлжит чуулганы нээлт өнөөдөр /2025.03.17/ боллоо.
Хаврын чуулганы нээлтийн хуралдааны гишүүдийн ирцийг УИХ-ын Тамгын газраас мэдээллээ. Тус мэдээлэлд дурдсанаар УИХ-ын гишүүн Д.Батлут, Ж.Баясгалан, Д.Бум-Очир, Ж.Ганбаатар, Б.Тулга, Ж.Золжаргал нар гадаад томилолттой байгаа бол С.Ганбаатар гишүүд орон нутгийн томилолттой байгаа аж. Харин Ж.Чинбүрэн, Э.Одбаяр нар эмнэлгийн чөлөөтэй байгаа гэж бүртгүүлсэн байна. Мөн УИХ-ын гишүүн С.Амарсайхан чөлөөтэй гэж бүртгүүлжээ.
