УИХ-ын дарга Д.Амарбаясгалан СЗХ-ны даргад Т.Жамбаажамцын нэрийг дэвшүүлсэн талаар бид өмнө нь мэдээлсэн. Тэгвэл УИХ -ын өдрийн /2025.01.16/ чуулганы нэгдсэн хуралдаан Санхүүгийн зохицуулах хорооны даргыг томилох тухай асуудлыг хэлэлцлээ.
Хуралдаанд оролцсон гишүүдийн олонхийн саналаар СЗХ-ны даргаар Олон улсын эрх зүйч мэргэжилтэй Т.Жамбаажамцыг томилохыг дэмжлээ.
Санхүүгийн зохицуулах хорооны даргын бүрэн эрхийн хугацаа дууссан тул УИХ-ын дарга Д.Амарбаясгалан тус хорооны даргад Олон улсын эрх зүйч мэргэжилтэй Т.Жамбаажамцыг нэр дэвшүүлсэн юм. Тэрбээр 1982 онд Баянхонгор аймгийн Баянхонгор суманд төрсөн. МУИС-ийн Хууль зүйн сургуулийг олон улсын эрх зүйч мэргэжлээр, СЭЗИС-ийг бизнесийн удирдлагын магистраар тус, тус төгсжээ.
Ажилласан байдал:
- 2007-2009 онд СЗХ-ны Үнэт цаасны газрын мэргэжилтэн,
- 2009-2011 онд СЗХ-ны Үнэт цаасны газрын хянан шалгагч,
- 2011-2013 онд СЗХ-ны ахлах хянан шалгагч,
- 2013-2014 онд СЗХ-ны Хөрөнгийн зах зээлийн бодлого төлөвлөлтийн хэлтсийн дарга,
- 2014-2015 онд СЗХ-ны Үнэт цаасны газрын дарга,
- 2015-2016 онд СЗХ-ны Хяналт шалгалтын газрын орлогоч дарга,
- 2016 оны наймдугаар сараас одоог хүртэл СЗХ-ны Ажлын албаны даргаар ажиллаж байна.
