Цаг уур орчны шинжилгээний газраас ойрын 10 хоногийн цаг агаарын урьдчилсан төлвийг мэдээллээ. Ирэх хоногуудад ихэнх нутгаар хүйтний эрч чангарах төлөвтэй байна.
Тодруулбал, ЦУОШГ-аас өгсөн мэдээллээр өнөөдөр Хангай, Хөвсгөлийн уулархаг нутаг, Орхон-Сэлэнгийн сав газраар, 11-нд Алтай, Хангай, Хөвсгөл, Хэнтийн уулархаг нутгаар, 12-нд баруун аймгуудын ихэнх нутаг, төв болон говийн аймгуудын нутгийн зарим газраар, 13-нд баруун аймгуудын нутгийн зүүн хэсэг, төв, говь, зүүн аймгуудын нутгийн зарим газраар, 14-нд нутгийн зүүн хэсгээр цас орж, цасан шуурга шуурна. 11-14-нд ихэнх нутгаар цастай бөгөөд 14-20 хүртэл нийт нутгаар хүйтний эрч чангарах төлөвтэй байна.
Энэ сарын цаг агаарын урьдчилсан төлвөөр баруун аймгуудын нутгаар хүйтэн, төв, зүүн, говийн бүсээр олон жилийн дундажтэй адил байна гэсэн.
